Nel barriu de Pumarín (Xixón) entamó fai 20 años esta venturiega escultista d'un grupu de xóvenes con ganes de compartir experiencies y odisees nel marcu del Movimientu Scout.

Gonzalu (guía espiritual y escultista del Grupu) fue'l principal culpable d'esta aventuriega na que'mbarcáronse un puñau de xóvenes y monitores d'otros grupos de la Parroquia.

La idega de facer un Grupu Scout na Parroquia de San Miguel pensose'n Cuadonga y que meyor llugar que nel propiu llar de la nuesa Santina, pa entamar el camín d'esti proyeutu. Per eso podemos dicir que Cuadonga ye la Cuna del Grupu Scout San Miguel.

Esti Grupu entamó camín un 4 de Payares de 1984.

Nel primer conceyu del Grupu, fixáronse, un pocu a tientes y con cierta confusión,les direitrices y finalidaes del mesmu, conforme colos ideales escultistes compartios por tantos millones de xóvenes en tol mundu. P'esta llabor fue muy señalá l'esperiencia escultista de Gonzalu nel Grupu Scout Escampleru, que tien el titulu de padrín del nuesu Grupu.

Al dia siguiente entamaron yá los trabayos d'acondicionamientu de los que fueron los primeros LLocales daos pola Parroquia, anque prontu, en Xineru de 1985, cambiaríamos a otros más piquiñinos. Y ye que como diz el dichu: otru vendrá que bonu me faerá.

Mientres, nuesos primeros Monitores, ficieron la so Promesa Solemne nos Llocales d'Escampleru.

En Selmana Santa de 1995, ficimos el primer Campamentu de 4 díes, en Camoca y de venti persones.

Nuesu primer San Xurde comu Grupu Scout cellebrámoslu con una película de la vida de Baden Powell y con una merienda d'hermanamientu. Y esa mesma selmana tubimos na cellebración rexional (fue'n Uvieu), onde taben representáos tolos Grupos M.S.C. d'Asturies. Fueron sólo 5 pioneros/es.

La primera Ronda Solar del Grupu, cerrose con una salía a Deva.

Lo que sigue a esti entamu son años de Campamentos, Excursiones, Actividaes en los Llocales, Actividaes Conxuntes con otros Grupos,Promeses Solemnes, l'apertura de la Rama Castores en 2003, Formación de monitores, Alcuentros de Monitores, San Xurdes, Jambores... resumiendo, 20 años de trabayu con una apuesta en común: l'educancia integra'n valores de los nuesos rapacinos y el deseu d'un Escultismu activu en Xixón y en Asturies. Y ye que'l Grupu evolucionó dende esi 4 de Payares del 84 fasta agora, pero lo que nunca enxamás podrá cambiar, ye esi deseu que toos llevamos dientro de nuesos corales de Scout: facer qu'esti mundo te un poquiñín meyor poniendo cada un el nuesu granín d'arena.

Los mis meyores deseos pa que (como diz l'Himnu del Grupu), sigamos rastreando p'atopar el camín fasta l'Escultismo.