Grupo Scout Nyeri

MARCHA CHICLISTA NA CORUÑA

Bagheera — Wed, 29 Oct 2008 07:45:13 +0000

Os grupos scouts da cidade da Coruña, Nyeri e Stoas, organizamos unha marcha ciclista aberta a calquera persoa que desexe participar, como xa fixemos o ano pasado. A actividade está enmarcada dentro do programa NoitesNovas do Concello da Coruña, e a saída está programada para o vindeiro 8 de Novembro, Sábado, ás 22:00 na Fonte dos Surfistas (Matadoiro - Orzán).

Esperamos vervos alá!!

Descanso

Bagheera — Tue, 28 Oct 2008 13:26:57 +0000

Esta fin de semana, coincidindo coa festividade de Tódolos Santos, o Grupo Scout ‘Nyeri’, non terá as súas actividades o sábado.

Esperamos que pasedes unha boa fin de semana, e aproveitedes se fai bo tempo!

Boa Caza!

Ata Logo a Kaa!

Bagheera — Mon, 27 Oct 2008 19:26:27 +0000

A nosa Kaa despediuse de nós esta fin de semana. Os lobecos estaban un pouco tristes, pero saben que Kaa marcha para ben. Estará en Guatemala durante unha temporadiña, pero manterá o contacto co Grupo para contarnos as súas novidades.

Aquí tedes a foto de despedida:

Os Lobecos danse a coñecer!

Bagheera — Fri, 24 Oct 2008 15:02:10 +0000

O pasado sábado 11 de Outubro, os nosos Lobecos, saíron do local a xogar polo barrio. Achegáronse ata o campo de Marte, e alí cantaron, xogaron e coñeceron novos amigos e máis amigas.

Pasáronno moi ben, ou polo menos iso parecía!

Aquí tedes unhas fotiños para que botedes unha ollada.